ემილიო ბუტრაგენიომ „რეალისა“ და „რაიო ვალეკანოს“ დაპირისპირება შეაფასა და სამომავლო გეგმებზე ისაუბრა.

„მადრიდის „რეალმა“ დინამიური ფეხბურთი ითამაშა. „რაიოს“ უყვარს შეტევა, მაგრამ როდესაც ბურთი ჩვენ გვქონდა, ისინი ორმაგ დაცვას თამაშობდნენ, რაც ჩვენ ინდივიდუალური ოსტატობით გავარღვიეთ. მბაპეს და ვინისიუს ჟუნიორის კარგი გამოსვლა ნამდვილად ხაზგასასმელია.“

„პირველ ტაიმში ჩვენ მესამე გოლის გატანას ვიმსახურებდით, მაგრამ არ გაგვიმართლა, საბოლოო ჯამში კი „რაიო ვალეკანოსგან“ მივიღეთ გოლი, რამაც სიტუაცია დაძაბა.“

„„ატლეტიკოსთან“ შეხვედრა ურთულესი იქნება. ჩვენ გავიმარჯვეთ ბერნაბეუზე, მაგრამ წინ დიდი ბრძოლა გველის. მსურს, რომ პირველივე წუთებიდან მაქსიმალური კონცენტრაცია გვქონდეს და 1/4 ფინალში გასვლა შევძლოთ. ამოცანა საკმაოდ რთულია, მაგრამ „რეალს“ არასდროს უჭირდა რთული სიტუაციებიდან მარტივი გამოსავლის პოვნა.“

„ამ გუნდს კიდევ აქვს პერსპექტივა. სეზონში იყო, როგორც ცუდი, ასევე კარგი მომენტები, ახლა კი გადამწყვეტი ეტაპი დგება და მსურს, რომ მომდევნო 2 თვე ძალიან მაღალ დონეზე ჩავატაროთ, რაც დიდ წარმატებას მოგვიტანს.“