ალფრედო რელანომ „რეალისა“ და „რაიო ვალეკანოს“ დაპირისპირების შემდეგ მადრიდულ გრანდში არსებულ სიტუაციასა და ორელიან ჩუამენიზე ისაუბრა.

„„რეალი“ წელს არასტაბილური გუნდია, მაგრამ ბოლო თვეებში პროგრესი აშკარაა. სეზონის სტარტზე, ანჩელოტის გუნდმა ყველა მნიშვნელოვანი შეხვედრა წააგო, რაც ქომაგების პესიმიზმის საფუძველი გახდა, მაგრამ გავიხსენოთ ორ რაუნდიანი ბრძოლა „სიტის“ წინააღმდეგ, შემდეგ „ატლეტიკოს“ დამარცხება. დღევანდელი მოცემულობით, სამეფო კლუბი ყველა ტურნირზე ცოცხალია და შეუძლია წარმატებაზე ფიქრი.“

„ჩემი აზრით, ორელიან ჩუამენის დაცვის ცენტრში გამოყენება დროის კარგვაა და მხოლოდ იმ შემთხვევაში უნდა მოხდეს, თუ ფორს-მაჟორული სიტუაცია იქმნება.“

„როდესაც სკამზე რჩება რაულ ასენსიოს, ჩუამენი მცველად არ უნდა თამაშობდეს, რადგან ის მრავალმხრივი ნახევარმცველია.“

„ორელიანმა „რაიო ვალეკანოსთან“ ძალიან მაღალი დონი აჩვენა, ის ასევე შესანიშნავი იყო როგორც „ატლეტიკოსთან“, ასევე ლა ლიგის რამდენიმე შეხვედრაში.“

„მახსოვს ფრანგი ფეხბურთელის თამაში „მონაკოში“, ის ძალიან მრავალმხრივია და სწორედ ამიტომ მოხვდა ბერნაბეუზე. მიმაჩნია, რომ მისი როლი უნდა გაიზარდოს, რაც ფეხბურთელის ფსიქოლოგიაზეც დადებითად იმოქმედებს. ჩუამენიში დიდ პერსპექტივას ვხედავ და არაერთი არგუმენტის მოყვანა შემიძლია.“

„კაზემიროს წასვლის შემდეგ, „რეალის“ ნახევარდაცვა უფრო მერყევი გახდა, ამას დაემატა ტონი კროოსის წასვლაც. ფაქტია, რომ გუნდის შუა რგოლში სერიოზული ცვლილებები მიმდინარეობს და ეს მარტივი პროცესი არ არის.“

„ვალვერდე სრულყოფილებაა და მას ალტერნატივა არ ჰყავს, თუმცა სხვა მიმართულებებით „რეალში“, ბევრი სამუშაო და მივიჩნევ, რომ „ბლანკოსის“ ნახევარდაცვის შეუცვლელი წევრები სწორედ ჩუამენი და ვალვერდე უნდა იყვნენ და მოედნის ცენტრი მათზე იყოს საფუძვნებული.“

„მომდევნო მატჩები ორელიანისთვის ერთგვარი შანსია, რომ კიდევ ერთხელ აჩვენოს საკუთარი კლასი.“