ფედერიკო ვალვერდემ „რაიო ვალეკანოს“ დამარცხების შემდეგ ჟურნალისტებთან ისაუბრა.

„„რაიო ვალეკანოს“ წინააღმდეგ თამაში არცერთი გუნდისთვის არ არის მარტივი და გამონაკლისი არც „რეალი“ გახლავთ. ჩვენ უმნიშვნელოვანესი 3 ქულის ჩაწერა შევძელით აქტივში. „რაიო“ ყოველთვის სწრაფ და დინამიურ ფეხბურთს თამაშობს, რაც ლა ლიგის ცხრილშიც არის ასახული. მიმაჩნია, რომ ეს გამარჯვება დიდი მუხტის მომცემი იქნება.“

„მსოფლიოს საუკეთესო გუნდში თამაში დიდი პატივია, მაგრამ ციფრები, რომელსაც ვაფიქსირებ, ნამდვილად უფრო ბედნიერს მხდის. სულ ცოტა ხნის წინ, ყველა ტურნირის მასშტაბით მე-300 შეხვედრა ჩავატარე, ახლა კი ლა ლიგაში მე-200 შეხვედრის დრო დადგა. ეს ჩემთვის ძალიან ბევრს ნიშნავს.“

„მინდა დიდი მადლობა გადავუხადო გულშემატკივრებს, ოჯახს და თანაგუნდელებს იმისთვის, რომ მხარს მიჭერენ და ჩემთან ერთად არიან.“

„აღდგენით პროცესს ვასრულებ და ვეცდები, მინი დაზიანებაც აღარ მივიღო. ჩემთვის დღეს მოედანზე გასვლა მნიშვნელოვანი იყო, ახლა კი მადრიდული დერბისთვის უნდა მოვემზადო და გუნდს ჩემპიონთა ლიგის 1/4 ფინალში გასვლაში დავეხმარო.“