კარლო ანჩელოტიმ „რაიო ვალეკანოს“ დამარცხების შემდეგ პრესკონფერენცია გამართა.

„პირველ ტაიმში გუნდი მოწოდების სიმაღლეზე იდგა. ჩვენ გასახდელში 3:0-ით უნდა გავსულიყავით, თუმცა ტაბლოზე 2:1 ფიქსირდებოდა, რამაც ქმნიდა დამატებით რისკებს. მეორე ნახევარში რამდენიმე მომენტი გვქონდა, მაგრამ კვლავ ვერ გავიტანეთ, რის შემდეგაც საჭიროდ ჩავთვალე ნახევარდაცვის გაძლიერება და ბურთის დაჭერაზე ფიქრი.“

„ლუკა მოდრიჩი მოწოდების სიმაღლეზე იდგა, მან დიდი როლი ითამაშა კლუბის წარმატებაში და იმედი მაქვს, მომავალშიც ასე იქნება.“

„რუდიგერს ტემპერატურა აღენიშნება, ის მკურნალობის ინტენსიურ კურტს გადის და ვიმედოვნებ, დერბისთვის 100%-ით მზად იქნება.“

„მბაპე საკმაოდ კარგი იყო, ის მხოლოდ იმიტომ შევცვალე, რომ ნახევარდაცვა გამეძლიერებინა. ფრანგი ძალიან მაღალ დონეზე ასპარეზობდა და დუბლის შესრულებასთანაც ახლოს იყო.“

„ვინისიუს ჟუნიორი მადრიდის „რეალში“ ისტორიის წერას განაგრძობს, ის გატანილი გოლების რაოდენობით რონალდო ნაზარიოს უთანაბრდება და ამით ყველაფერია ნათქვამი.“

„საუბრები დავიდესთან? დიახ, ჩვენ განვიხილავდით ოპტიმალურ ცვლილებებს, სხვა არაფერი. ნახევარდაცვის გაძლიერებამ მოიტანა გამარჯვება.“

„ორელიან ჩუამენი ნამდვილი პროფესიონალია, მან იცის, როგორ მართოს გუნდის სისწრაფე და შეინარჩუნოს ბალანსი. ფრანგმა საოცარი გამოსვლა აჩვენა და უდავო ლიდერი გახლდათ.“

„თუ ისე ვითამაშებთ „ატლეტიკოსთან“, როგორც „რაიო ვალეკანოსთან“ პირველ ტაიმში, აუცილებლად მივაღწევთ წარმატებას.“