ესპანური გამოცემების ცნობით, მადრიდის „რეალში“ ლუკა მოდრიჩის შემცვლელზე სერიოზულად ფიქრობენ და ფლორენტინო პერესს რამდენიმე კანდიდატი ჰყავს გამოკვეთილი.

მარტინ სუბიმენდი, ბარელა და ენცო ფერნანდესი მადრიდის „რეალის“ რადარზე არიან.

„ბლანკოსში“ მიიჩნევენ, რომ გუნდს კრეატიული ნახევარმცველი სჭირდება და ამ სტანდარტს სამივე ზემოხსენებული მოთამაშე აკმაყოფილებს.

სუბიმენდისთან დაკავშირებით „რეალს“ დიდი ბრძოლა მოუწევს, რადგან ესპანელი ნახევარმცველის დამატებით არაერთი გრანდი ინტერესდება, რაც „სოსიედადს“ დიდი თანხის მოთხოვნის საშუალებას აძლევს.

რაც შეეხება ენცოს. არგენტინელი ფეხბურთელი „ჩელსის“ ლიდერია, მაგრამ მაინც ვერ აჩვენებს იმ დონეს, რა ავანსებიც იყო გაცემული, „რეალი“ კი მისთვის შესაძლოა დამატებითი შესაძლებლობა იყოს.

 არგენტინელ ფეხბურთელს „ჩელსისთან“ მრავალწლიანი ხელშეკრულება აკავშირებს, მის ამჟამინდელ კონტრაქტსი ვადა 2032 წლის ზაფხულში ეწურება, რაც მოლაპარაკებებს ართულებს, მაგრამ თუ მზაობა ყველა მხარს იქნება, სამხრეთ-ამერიკელის გამადრიდელება სრულიად შესაძლებელია.

და ბოლოს, ნიკო ბარელა. იტალიელი ფეხბურთელი „ინტერში“ ბრწყინავს, მაგრამ ხვდება, რომ თუ გუნდს ახლა არ დატოვებს, ასაკიდან გამომდინარე, მომდევნო წლებში უფრო გაუჭირდება სხვაგან წასვლა, ნიკოლო უკვე 28 წლის არის, მისი ხელშეკრულება „შავ-ლურჯებთან“ კი 2029 წელს იწურება.