სამეფო კლუბის ყოფილმა ფეხბურთელმა და მწვრთნელმა, ხოსე კამაჩომ საინტერესო ეტაპი გაიხსენა და ფლორენტინო პერესთან ურთიერთობაზეც ისაუბრა.

„მადრიდის „რეალი“ წელს არაპროგნოზირებადი გუნდია. შესაძლოა, „ბლანკოსს“ ფავორიტად არ განიხილავენ, მაგრამ საერთოდ არ გამიკვირდება, თუ ანჩელოტის გუნდი გაიმარჯვებს ლა ლიგაშიც და ჩემპიონთა ლიგაზეც.“

„„ატლეტიკოსთან“ დაპირისპირებას მოუთმენლად ველი. ვფიქრობ, კარლოს გუნდს ბერნაბეუზე 3:1 უნდა მოეგო, მაგრამ ასე არ მოხდა. საინტერესოა, რა სტილს აირჩევს „ბლანკოსი“, თუმცა ზუსტად ვიცი, რომ „ატლეტიკო“ ფრთხილად ექნება და ეცდება, გოლი არ გაუშვას.“

„ვინისიუსი „რეალის“ ნამდვილი ჯოკერია და მოწინააღმდეგე გუნდის გულშემატკივრებს ის არ უყვართ, მაგრამ ისიც გასათვალისწინებელია, რომ ბრაზილიელი ფეხბურთელი ლა ლიგისთვის მნიშვნელოვან ფიგურას წარმოადგენს. ლა ლიგამ უნდა იზრუნოს სამხრეთ-ამერიკელზე, რადგან ის არამხოლოდ „რეალის“, არამედ ესპანეთის შიდა ჩემპიონატის პრესტიჟია.“

„ახლა სამეფო კლუბში ყველაფერი მოწესრიგებულია. ფლორენტინო პერესმა იდეალური სტრუქტურა ჩამოაყალიბა და გამართული გუნდი შექმნა.“

„21-ე საუკუნის დასაწყისში „მერენგების“ რიგებში მსოფლიოს საუკეთესო ვარსკვლავები თამაშობდნენ, მაგრამ პრობლემებიც იქმნებოდა, რადგან არ არსებობდა იდეოლოგია და სტრუქტურა. „რეალი“ დაფუძვნებული იყო მეგა ვარსკვლავებზე, რამაც ფინანსური გარღვევა შექმნა, თუმცა ეს ყველაფერი არ გადაზრდილა გუნდის საფეხბურთო წარმატებაში.“

„როდესაც პერესმა დამირეკა, უარი ვერ ვუთხარი, მაგრამ ვიცოდი, რომ პრობლემატურ გუნდში მივდიოდი. „რეალში“ ცოტა ხანი ვიმუშავე და მივხვდი, რომ წარმატებას ვერ მივაღწევდი, სწორედ ამიტომ, მალევე შევხვდი გუნდის ხელმძღვანელობას და ვუთხარი, რომ უნდა წავსულიყავი.“

„იქმნებოდა შთაბეჭდილება, რომ მადრიდული გრანდის ნებისმიერ მეტოქეს დაამარცხებდა, რადგან საოცარი შემადგენლობა ჰყავდა, თუმცა გუნდი წარმატებამდე იქამდე ვერ მივიდა, სანამ სტრუქტურა არ ჩამოაყალიბა, ეს სისტემა კი წლებია მუშაობს და ახლაც წარმატებით ვითარდება.“

„ახალგაზრდა ფეხბურთელები, რომლებიც უკვე არნახულ გამოცდილებას ფლობენ, მადრიდულ გრანდს კიდევ დიდ წარმატებას მოუტანენ.“