ანტონიო რუდიგერს მადრიდის „რეალში“ დარჩენა სურს და საუდის არაბეთში გადასვლას არ განიხილავს.

გერმანელ უკანახაზელს „მერენგებთან“ არსებული ხელშეკრულება 2026 წლის 30 ივნისს ეწურება და თანამშრომლოის გახანგრძლივებისთვის სრული მზაობა აქვს გამოცხადებული.

თუ „რეალს“ სხვა პოზიცია არ ექნება, რუდიგერი მზად არის, კონტრაქტი ნებისმიერ დროს გააფორმოს.

გამომდინარე იქედან, რომ 33 წლის და ზემოთ ასაკის ფეხბურთელებთან „რეალი“ 1 წლიანზე მეტ კონტრაქტს არ აფორმებს, დიდი ალბათობით, რუდის ახალი ხელშეკრულებაც ერთი წლით გახანგრძლივდება და 2027 წლის 30 ივნისამდე დარჩება ძალაში, შემდეგ კი ყველაფერი სიტუაციის მიხედვით შეიცვლება.

ანტონიოს სურს, რომ რაც შეიძლება დიდხანს დარჩეს „მერენგების“ სადარაჯოზე.