ესპანური გამოცემების ცნობით, მადრიდის „რეალი“ 2025 წლის ზაფხულში აუცილებლად შეიძენს ერთ ნახევარმცველს, რომელიც მოედნის ცენტრს უფრო კრეატიულს გახდის.

განიხილება არაერთი ვარიანტი, მათ შორის მარტინ სუბიმენდი, თუმცა ახალი ინფორმაციის მიხედვით, ფლორენტინო პერესი ენცო ფერნანდესის დამატებაზეც ფიქრობს.

ახალგაზრდა ნახევარმცველის ასაკი „ბლანკოსისთვის“ განსაკუთრებით მიმზიდველია.

ენცო „ჩელსის“ ღირსებას იცავს და გუნდის ლიდერიც არის, მაგრამ მას გაცილებით მეტი პოტენციალი აქვს, რომელიც დალაგებულ გუნდში უფრო გამოჩნდება, ვიდრე ქაოსში მყოფ „არისტოკრატებში“ ჩანს.

ფერნანდესი ნახევარდაცვის რამდენიმე პოზიციაზეა ეფექტური, ყველაზე მეტად კი მადრიდელებს მისი მოედნის ხედვა და მანევრი მოსწონთ.

არსებული ცნობით, ფლორენტინო პერესს კონკრეტული გეგმა აქვს და სტრატეგიას ივნისის თვიდან აამუშავებს.