სამეფო კლუბის ფეხბურთელებმა ფინალური ვარჯიში გამართეს.

კარლო ანჩელოტიმ გუნდი დღეს კიდევ ერთხელ შეკრიბა და ბოლო რჩევა-დარიგებები მისცა.

სამწუხაროდ, სესიას ვერ დაესწრო ანტონიო რუდიგერი, რომელსაც ვირუსი აქვს და ინტენსიურ რეჟიმში მკურნალობს, რათა ჩემპიონთა ლიგის შეხვედრაში დაბრუნება შეძლოს.

აღდგენით პროცესში არიან ხესუს ვალიეხო და დანი სებალიოსი, ფედერიკო ვალვერდემ კი სრულფასოვნად ივარჯიშა.

სესიაზე დიდი ყურადღება დაეთმო ბურთის კონტროლს, პრესინგს, კარში დარტყმებს, ტაქტიკურ მონახაზებს და მოკლე სივრცეში ზუსტ თამაშს.

ძლიერი წვიმის გამო, სამზადისის გარკვეული ეტაპი შეფერხდა, თუმცა ფეხბურთელებმა მაინც ყველა დავალება შეასრულეს.