ესპანური გამოცემების ცნობით, კარლო ანჩელოტი სეზონის ბოლოს მაღალი ალბათობით „რეალს“ დაემშვიდობება, თუმცა იტალიელ სპეციალისტს კარიერის გაგრძელების 5 ვარიანტი აქვს.

ცნობილია, რომ რონალდო ნაზარიოს გაპრეზიდენტების შემთხვევაში, ბრაზილიის ფეხბურთის ფედერაცია მთავარი მწრთნელის პოსტს სწორედ კარლოს შესთავაზებს.

გარდა ამისა, იტალიელ სპეციალისტს „რომაში“ მუშაობის პერსპექტივა აქვს, მისი დაბრუნების საკითხს განიხილავს ლონდონის „ჩელსიც“, რომელმაც კარგი სტარტის მიუხედავად, ძალიან ცუდად გააგრძელა და არასახარბიელო შედეგები აქვს.

ანჩელოტის მიმართ ინტერესს საუდის არაბეთის კლუბებიც იჩენენ და ამ მხრივ, ლეგენდას უმუშევრად დარჩენის საფრთხე არ ემუქრება. 

და ბოლოს, არსებობს მინიმალური შანსი იმისა, რომ კარლო „რეალის“ სათავეში დარჩეს. „ას“-ის ინფორმაციით, იტალიელი პოსტის შენარჩუნებას მხოლოდ იმ შემთხვევაში მოახერხებს, თუმცა ლა ლიგას და ჩემპიონთა ლიგას ერთდროულად მოიგებს.