„რეალის“ შტაბი ფედეს არწმუნებს, რომ მსოფლიოში საუკეთესო მარჯვენა მცველია
ესპანური გამოცემების ცნობით, მადრიდის „რეალის“ სამწვრთნელო შტაბი ფედერიკო ვალვერდეს არწმუნებს, რომ მსოფლიოში საუკეთესო მარჯვენა მცველია და მისთვის კარიერის ამ პოზიციაზე გაგრძელება ძალიან დიდ შედეგებს მოიტანს.
ამ სეზონში ურუგვაელმა მარჯვენა ფლანგზე არაერთხელ ითამაშა და ყველას აჩვენა, რომ დიდ პერსპექტივას ფლობს ახალ პოზიციაზე.
თავის მხრივ, ვალვერდეს არაერთხელ უთქვამს, რომ მისი საყვარელი პოზიცია ნახევარდაცვაა და მცველობას არ აპირებს, თუმცა შესაძლოა გარკვეული ასპექტები შეიცვალოს.
არნახული სისწრაფისა და ფიზიკური კონდიციების ხარჯზე ვალვერდე საოცრად ასრულებს მცველის ფუნქციებს, ასევე ერთვება შეტევებში და გუნდის ფაქტობრივად მთლიან ფლანგს აკონტროლებს.
ასე იყო „ატლეტიკოსთან“ დერბიშიც, სადაც ვალვერდემ როდრიგოსთან ერთად არაერთხელ გაამწვავა სიტუაცია და ყველას აჩვენა საკუთარი ძალა.
არ არის გამორიცხული, ვალვერდეს პოზიციასთან დაკავშირებით მართლაც ვიხილოთ დიდი და მნიშვნელოვანი ცვლილებები.
- 7 მარტი 2025
- 2 197
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
