ფედერიკო ვალვერდესთან დაკავშირებით სამეფო კლუბში აზრები იყოფა.

კარლო ანჩელოტი სამედიცინო შტაბთან შეხვედრას კიდევ ერთხელ აპირებს. იტალიელი სპეციალისტი „ბლანკოსის“ ხვალინდელი ვარჯიშის შემდეგ ექიმებს გაესაუბრება და სწორედ ამის შემდეგ დაასახელებს განაცხადს.

ვალვერდე 100%-ით მზად კვლავ არ არის, სწორედ ამიტომ, მისი „რაიო ვალეკანოსთან“ გამოყენება ამ ეტაპისთვის მიზანშეწონილად არ მიიჩნევა.

თავის მხრივ, სამეფო კლუბში ხვდებიან, რომ ლა ლიგაში კიდევ ერთი მატჩის ჩაგდება, ჩემპიონობის დაკარგვასთან შეიძლება იყოს დაკავშირებული, „რაიო“ კი წელს ყველასთვის ანგარიშგასაწევი მეტოქეა, სწორედ ამიტომ, „ბლანკოსმა“ მაქსიმალურად ოპტიმალური შემადგენლობა უნდა გამოიყვანოს ბერნაბეუზე.

თავად ფედე ჯერ-ჯერობით სრული დატვირთვით არ ვარჯიშობს და ცდილობს, მხოლოდ ფიზიკურ კონდიციებზე ზრუნვით შემოიფარგლოს.