ანჩელოტი:„როდესაც ეს მოხდება „რეალს“ დავტოვებ“
კარლო ანჩელოტიმ სამეფო კლუბში მიმდინარე მოვლენებსა და საკუთარ კარიერაზე ისაუბრა.
„არაერთხელ მითქვამს, რომ მადრიდის „რეალში“ თავს ბედნიერად ვგრძნობ და ჩემი ნებით გუნდიდან არ წავა. ფლორენტინო პერესი წყვეტს, ადრე დავტოვებ თანამდებობას, თუ გვიან. მე აქ ბედნიერი ვარ და საკუთარ საქმეზე ვკოცენტრირდები, სამეფო კლუბი ჩემთვის ბევრს ნიშნავს.“
„ჩვენ გვაქვს შეთანხმება, რომელიც ძალაში 2026 წლის 30 ივნისამდეა, თუმცა მერწმუნეთ, ნებისმიერ დროს შეიძლება ხელი ჩამოვართვათ ერთმანეთს და დავემშვიდობოთ, ანაც ახალ ხელშეკრულებაზე შევთანხმდეთ. ჩემსა და ხელმძღვანელობას შორის არასდროს ყოფილა გაუგებრობა და არც მომავალში შეიცვლება რამე, ვინაიდან ყველაფერი ურთიერთგაგებასა და პატივისცემაზეა დაფუძვნებული.“
„დავიდე? მე წავალ, დავიდე კი აუცილებლად გააგრძელებს ძალიან ეფექტურ სამწვრთნელო საქმიანობას, ის ეფექტური მწვრთნელი იქნება, რომელიც შესანიშნავად ერკვევა თანამედროვე ტექნოლოგიებსა და ინოვაციებში.“
„მოდრიჩი? ის საოცარია. დიახ, ლუკა იმ თაობის წევრია, რომელსაც რამოსი, ბენზემა, მარსელო, ჩაბი, კროოსი, რონალდუ და სხვები წარმოადგენდნენ, თუმცა ისევ აქ არის და მოწოდების სიმაღლეზე დგას.“
„ვინისიუს ჟუნიორი ძალიან მაღალი კლასის ფეხბურთელია, რომელსაც სჭირდება მხარდაჭერა. ის არაერთხელ გამხდარა აგრესიის მსხვერპლი, თუმცა ვერ ვიტყვით, რომ ეს მხოლოდ ვინის ეხება. აღვნიშნავი ნიკო ვილიამსს, რომელიც ასევე რამდენჯერმე, სრულიად უსაფუძვლოდ გახდა აგრესიის ადრესატი. ორივე ფეხბურთელი დიდ პერსპექტივას ფლობს და ნიჭიერია.“
„მბაპე ძალიან ძლიერი ფეხბურთელია, ფრანგი ფეხბურთელი ყოველი შეხება ბურთთან სიმწვავით მთავრდება და მჯერა, რომ ძალიან ბევრს გაიტანს.“
„ რა თქმა უნდა, კილიანი გაცილებით მეტ დროს გაატარებს „რეალში“, ვიდრე მე, თუმცა მერწმუნეთ, რომ ჩემი სიტყვები ყოველთვის ემახსოვრება. მასთან ბევრი ვიმუშავე, რადგან ვიცი, რომ ძალიან დიდი მოთამაშეა, რომელმაც ბერნაბეუზე თამაშით ოცნება აიხდინა.“
„კილიანი და ოქროს ბურთი? „ბლანკოსში“ არაერთი ფეხბურთელი თამაშობს, რომელიც ოქროს ბურთს იმსახურებს, მათ შორის რა თქმა უნდა არის მბაპე.“
- 7 მარტი 2025
- 1 800
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
