ესპანური გამოცემების ცნობით, მადრიდის „რეალი“ იბრაჰიმა კონატეს ტრანსფერზე ფიქრობს.

მალური ფესვების მქონე ფრანგ მოთამაშეს მერსისაიდელებთან კონტრაქტი 2026 წლის 30 ივნისს ეწურება და სწორედ ამ სიტუაციის გამოყენება სურს ფლორენტინო პერესს.

კონატეს ფასი ახლა 50 მილიონია, თუმცა თუ „ლივერპულთან“ ახალ ხელშეკრულებაზე შეთანხმება ვერ მოხერხდება, ინგლისელები მას მომავალ ზაფხულს გაცილებით იაფად გაყიდიან.

მადრიდში მიიჩნევენ, რომ 25 წლის უკანახაზელის დამატება 25-30 მილიონი ევროს ფარგლებშია შესაძლებელი, რაც სამეფო კლუბის დაცვის რესურსს მნიშვნელოვნად გაზრდის.

არსებული ცნობით, „ბლანკოსს“ „ლივერპულისთვის“ ჯერ არ მიუმართავს და ზაფხულისთვის წინადადებას ამზადებს.