ლუკა მოდრიჩმა ჩემპიონთა ლიგაზე კიდევ ერთი თამაში ჩაატარა, რომელიც მადრიდის „რეალის“ მაისურით რიგით 131-ე გახლდათ.

ხორვატმა ფეხბურთელმა რაულ გონსალეს ბლანკოს გაასწრო, რომელიც 130 ჩატარებული შეხვედრით იწონებდა თავს.

კლუბის ისტორიაში დარჩა მხოლოდ 2 ფეხბურთელი, რომელსაც ლუკიტაზე მეტი შეხვედრა აქვს გამართული, ესენი არიან კარიმ ბენზემა 133 შეხვედრით და იკერ კასილიასი 150 მატჩით.

თუ „რეალი“ 1/4 ფინალში გავა, ლუკა კარიმ ბენზემა შედეგს აუცილებლად გააუმჯობესებს და მეორე პოზიციაზე გადაინაცვლებს, ხოლო კასილიასის შედეგი მაღალი ალბათობით ხელშეუხებელი დარჩება.