როდრიგო გოეშმა „ატლეტიკოსთან“ გამარჯვების შემდეგ ჟურნალისტებთან ისაუბრა.

„კმაყოფილი ვარ ჩემი თამაშით და ძალისხმევით. ძალიან მნიშვნელოვანია, რომ გოლი გავიტანე და გუნდს დავეხმარე. ინდივიდუალური ჯილდო მხოლოდ ნაწილია დიდი წარმატებისა, რომელიც კოლექტივმა დააფიქსირა.“

„ჩვენ შეგვეძლო გაცილებით მეტი, მაგრამ ვერ მოვახერხეთ, თუმცა „მეტროპოლიტანოზე“ მნიშვნელოვანი უპირატესობით მივდივართ.“

„პენალტი? თუ ეს თერთმეტმეტრიანი არ იყო, მაშინ ფეხბურთის მსაჯებს მიდგომები ეცვლებათ. არ ვიცი, ეს არ არის ჩემი კომპეტენცია, მაგრამ მერწმუნეთ, მეტოქე ჩემს წინააღმდეგ თამაშის წესებს არღვევდა, კოორდინაცია დამაკარგინა და საჯარიმოში წამაქცია.“

„ვალვერდემ საოცარი პასი გამიკეთა, ის ყველა პოზიციაზე უნიკალურად თამაშობს. არაერთ ვარჯიშზე დაგვიმუშავებია მსგავსი კომბინაცია, მე კი მარცხენა ფეხით გამიტანია.“

„ანჩელოტიმ ყველას გვთხოვა, რომ დაცვაში ყურადღებით გვეთამაშა. ეს წინახაზელებისთვის დამატებითი ენერგიის დახარჯვას მოითხოვს, მაგრამ როდესაც „ატლეტიკოს“ სტილის კომპაქტურ გუნდს ეთამაშები, აუცილებელია მობილურობა და რაც შეიძლება ბევრი მოძრაობა. ჩვენ დაკისრებულ ამოცანას კარგად გავართვით თავი.“

„დიდი მადლობა გულშემატკივრებს, რომლებმაც უდიდესი მხარდაჭერა გაგვიწიეს. დაუვიწყარი იყო გზა ბერნაბეუმდე და შემდეგ შოუ არენაზე, რომელიც ყოველთვის განსაკუთრებულია.“

„დარწმუნებული ვარ, მეორე მატჩში „ატლეტიკო“ ბოლომდე დაიხარჯება და ყველაფერს იღონებს მომდევნო ეტაპზე გასასვლელად, ჩვენ კი დაწყებული საქმე ბოლომდე უნდა მივიყვანოთ. მადრიდული დერბი ყოველთვის განსაკუთრებულია.“