მადრიდული დერბი ფედერიკო ვალვერდესთვის საიუბილეო გამოდგა.

ურუგვაელმა ფეხბურთელმა „მერენგების“ მაისურით მე-300 დაპირისპირება ჩაატარა და შესაბამისი საჩუქარიც მიიღო ფლორენტინო პერესისგან.

ფედე უკვე 7 წელია სამეფო კლუბის სადარაჯოზე დგას და დროის გასვლასთან ერთად იზრდებოდა მისი როლიც.

ურუგვაელმა ფეხბურთელმა 300 შეხვედრაში 203 მოიგო და 29 გოლი გაიტანა. მისი დებიუტი თეთრი მაისურით 2018 წელს შედგა.

300-იდან 199 მატჩი ლა ლიგაზე მოდის, 63 ჩემპიონთა ლიგაზე, 22 სამეფო თასზე, დანარჩენი კი სხვადასხვა ტურნირზე.

ჩატარებული მატჩების მხრივ საუკეთესო სეზონი ვალვერდე 2022/23 წლებში ჰქონდა, როდესაც მოედანზე 56-ჯერ გამოჩნდა.