კარლო ანჩელოტიმ მადრიდის „ატლეტიკოს“ დამარცხების შემდეგ პრესკონფერენცია გამართა.

„შედეგი საკმაოდ მისაღებია, მაგრამ ჩვენ გვქონდა რამდენიმე კარგი შანსი. 3:1-ის შემთხვევაში „მეტროპოლიტანოზე“ გაცილებით მშვიდად ვითამაშებდით. ფეხბურთელები ბოლომდე დარიხარჯნენ და ჩემგან მადლობას იმსახურებენ.“

„მბაპეს ტრავმა? არა მას პრობლემა მხოლოდ კბილზე ჰქონდა, რამაც გამოიწვია ტემპერატურა. საერთო ჯამში ფრანგმა 3 დღე ვერ ივარჯიშა, მეოთხე დღეს კი სრულფასოვანი დაატვირთვა ვერ მიიღო, რამაც გარკვეულწილად დინამიკიდან ამოაგდო. ახლა ყველაფერი კარგად წარიმართება.“

„„ატლეტიკოს“ მცველების წინააღმდეგ თამაში მარტივი არ არის. სწორედ ამიტომ, ვინის და მბაპეს ამოცანა საკმაოდ რთული იყო.“

„ვერ ვიტყვი, რომ ბრაჰიმ დიასი სასტარტო შემადგენლობაში უცვლელი წევრია, მაგრამ მას გუნდში მნიშვნელოვანი როლი აქვს და დიდ დახმარებას გვიწევს. დიასი ყველა მატჩში მოწოდების სიმაღლეზე დგას.“

„ბრაჰიმის ინციდენტი სიმეონესთან? ჩემ ფეხბურთელს ვეტყვი, რომ ჩოლოს პატივი სცეს, ის დიდი მასშტაბის მწვრთნელია.“

„ფედერიკო ვალვერდე ბოლომდე მზად არ იყო და ძალიან დაიღალა, სწორედ ამიტომ,  მატჩის დასრულებამდე 15 წუთით ადრე შევცვალე, მას საოცარი მატჩი ჰქონდა.“

„შარშან გუნდი სრულფასოვნად იყო დაკომპლექტებული. კროოსი და ხოსელუ სივრცეებს ავსებდნენ, ორივე ძალიან მნიშვნელოვან როლს თამაშობდა. ახლა ისინი ჩვენთან არ არიან, მაგრამ სხვა ფეხბურთელებთან ერთად ვცდილობთ ფონს გასვლას.“

„სამწუხაროა, რომ ვინიმ გოლი ვერ გაიტანა, მბაპესგან უფრო ზუსტი პასი იყო საჭირო. ამ მომენტზე გული მწყდება, მაგრამ ვერაფერს შევცვლი. ორივე წინახაზელს უკეთესად თამაში „მეტროპოლიტანოზე“ შეეძლება.“

„მოდრიჩი თუ კამავინგა? ფრანგი ფეხბურთელი დასვენებული იყო და სასტარტო შემადგენლობაში დაიწყო თამაში.“