დიეგო სიმეონემ მადრიდის „რეალთან“ დაპირისპირების წინ პრესკონფერენცია გამართა.

„ჩვენ დიდ პატივს ვცემთ მადრიდის „რეალს“ და ვიცით, რა სირთულეებს უკავშირდება ამ გუნდთან თამაში, თუმცა არაერთხელ გვიჩვენებია, რომ საუკეთესო თამაშის შემთხვევაში, გამარჯვება შესაძლებელია. ასეთი კალიბრის შეხვედრები ყოველთვის მოითხოვს დიდ ენერგიას და სიზუსტეს. ყოველთვის მნიშვნელოვანია დეტალებზე ორიენტირება.“

„ფავორიტი? არ ვიცი, შესაძლოა ვინმე „რეალს“, ან ჩვენ მიგვიჩნევს ფავორიტად, მაგრამ მერწმუნეთ, აქ შანსები თანაბარია. წარმატების მიღწევა ორივე გუნდს ძალუძს.“

„ალვარესი? ის ძალიან ახალგაზრდაა და კიდევ შეუძლია განვითარება. ვფიქრობ, ჩვენ მას დიდ დახმარებას გავუწევთ.“

„პირველი თამაშის შედეგს მნიშვნელობა ექნება, თუმცა რა თქმა უნდა, ყველაფერი მეორე დაპირისპირებაში გადაწყდება. ეს იქნება მინიმუმ 180 წუთიანი ბრძოლა.“

„მე ვამაყობ, რომ „ატლეტიკო“ მადრიდის „რეალისა“ და „ბარსელონას“ დონეზეა. ჩვენთან თამაში არცერთი გუნდისთვის არ არის მარტივი, ეს კი დიდი შრომის შედეგია.“

„კონტრ-შეტევაზე ჩემი გუნდი ყოველთვის ეფექტურია, მაგრამ იგივეს თქმა შემიძლია „ბლანკოსზეც“, რომელსაც სწრაფი ფეხბურთელები ჰყავს.“

„კონკრეტულად არცერთ ფეხბურთელზე არ ვაკეთებ აქცენტს. თუ ვინისიუსს გავაჩერებთ, შანსს მბაპე მიიღებს, თუ კილიანს გავაჩერებთ ვინი, როდრიგო ან სხვა. ჩვენ კოლექტიური მდგრადობა გვმართებს, სწორედ ეს იქნება ბერნაბეუზე წარმატების გასაღები.“

„ყველაფერი უნდა გავაკეთოთ იმისთვის, რომ ანჩელოტის გუნდს სივრცეები არ მივცეთ, ვინაიდან „რეალის“ შემტევებს დიდი ტექნიკური მახასიათებლები აქვთ.“

„ლა ლიგა თუ ჩემპიონთა ლიგა? ორივე მიმართულებით ბოლომდე ვიბრძვით.“

„ის, რომ „რეალი“ ევროსარბიელზე ძალიან დამაჯერებელია, ვერავინ უარყოფს, თუმცა ჩვენ ხვალ ყველაფერს სუფთა ფურცლიდან ვიწყებთ.“