ფაბიო კაპელომ კარლო ანჩელოტი შეაქო და განაცხადა, რომ იტალიელი სპეციალისტი დღესაც მსოფლიოში საუკეთესოა.

„კარლო ანჩელოტი მსოფლიოში საუკეთესო სპეციალისტია, რომელმაც იცის, როგორ მართოს გრანდები, როგორი ურთიერთობა ჩამოაყალიბოს ფეხბურთელებთან და როგორ მიუდგეს მოთამაშეებს, რომლებსაც ადაპტაცია სჭირდებათ.“

„დარწმუნებული ვარ, იტალიელმა სპეციალისტმა მბაპეს ადაპტაციაში უდიდესი წვლილი შეიტანა, ის ნებისმიერ გუნდში ქმნის კომფორტულ და მეგობრობაზე დაფუძვნებულ გარემოს.“

„მე ვფიქრობ, რომ მბაპე ახლა არაჩვეულებრივი მოთამაშეა, მას დაახლოებით 3 თვე დასჭირდა იმისთვის, რომ აღექვა, რას ნიშნავს „რეალში“ ასპარეზობა. როგორც უკვე გითხარით, ამ მხრივ კარლოს როლი ძალიან დიდია.“

„დარწმუნებული ვარ, „რეალი“ როგორც ლა ლიგაში, ასევე ჩემპიონთა ლიგასა და სამეფო თასზე ბოლომდე იბრძოლებს. კარლოს ახლა ახალი ფორმაციის გუნდის ჩამოყალიბება უწევს, მაგრამ სეზონის ბოლოს „ბლანკოსი“ აუცილებლად იქნება რომელიმე ტურნირის ჩემპიონი.“

„დღესდღეობით მსოფლიოში არ მოიძებნება სპეციალისტი, რომელიც „რეალს“ ანჩელოტიზე უკეთ მართავს. მერწმუნეთ, იტალიელი უალტერნატივოა.“

„ჩემპიონთა ლიგა? დარწმუნებული ვარ, როგორც სამეფო კლუბი, ასევე „ატლეტიკო“ ბოლომდე დაიხარჯება და ეცდება 1/4 ფინალში გასვლას. შანსებზე საუბარი არ მსურს, ამ დუელში გამარჯვებულს მცირე დეტალები გადაწყვეტს.“