„ატლეტიკოს“ პრეზიდენტმა, ენრიკე სერეზომ ჩემპიონთა ლიგის მატჩის წინ ჟურნალისტებთან ისაუბრა.

„სეზონი ძალიან გრძელი და გამოწვევებით სავსეა. ჩვენ ზოგიერთ შემთხვევაში ვიმარჯვებთ, ზოგჯერ კი ვმარცხდებთი, წარმატებისა და წარუმატებლობის საკითხი კი სეზონის ბოლოს განიხილება. როგორც ესპანეთში, ასევე ევროსარბიელზე ძალიან დიდი გამოწვევები გვაქვს, ჩვენ შევხვდით უძლიერეს გუნდებს და კალენდარი მართლაც მომთხოვნია.“

„ჩვენ მოედანზე ყოველთვის გასამარჯვებლად გავდივართ. ვიცით, რომ ბერნაბეუზე თამაში მარტივი არ არის, მაგრამ გუნდის მიზანი გამარჯვება იქნება. „რეალის“ სტადიონზე „როხიბლანკოს“ არაერთხელ მოუგია და ოპტიმიზმს ახლაც ვინარჩუნებთ.“

„მსაჯებს პატივს ვცემთ და ვცდილობთ, მათი საქმიანობა დავაფასოთ, თუმცა მერწმუნეთ, როდესაც შეცდომები გამოკვეთილია, აუცილებლად უნდა გვქონდეს რეაქცია, რათა ხარვეზები აღმოიფხვრას.“

„დიდი იმედი მაქვს, რომ 4 მარტის საღამო „ატლეტიკოსთვის“ წარმატებული იქნება, „რეალისთვის“ კი არა.“

„ფლორენტინო პერესს კიდევ ერთხელ შევხვდები, ჩვენ კარგი ურთიერთობა გვაქვს. „ბლანკოსის“ მმართველის მიმართ პატივისცემა არაერთხელ დამიფიქსირებია.“