ანჩელოტი:„„ატლეტიკო“ უბურთოდაც ძალიან ძლიერია“

კარლო ანჩელოტიმ „ატლეტიკოსთან“ დაპირისპირების წინ პრესკონფერენცია გამართა.

„სწორედ ისეთი თამაშის ჩატარება გვსურს, როგორიც „სიტისთან“ ვაჩვენეთ და სასურველ შედეგს მივაღწიეთ. გვჯერა ჩვენი გულშემატკივრების და ვიცით, რომ მათი როლი უმნიშვნელოვანესი იქნება.“

„დარწმუნებული ვარ, ყველაფერი მეორე დაპირისპირებაში გადაწყდება, თუმცა რა თქმა უნდა, ვეცდებით პირველ დაპირისპირებაში კომფორტული სხვაობა შევქმნათ. ჩვენ ვიცით, რამდენად მწყობრი გუნდია „ატლეტიკო“ და რამხელა რესურსი აქვს ყველა რგოლში.“

„ფედე ვალვერდე დღეს გუნდთან ერთად ივარჯიშებს და დაკვირვების ქვეშ იქნება. დანამდვილებით არ შემიძლია ვთქვა, შეძლებს თუ არა ურუგვაელი ფეხბურთელი მოედანზე გასვლას, მას უნდა დავაკვირდეთ.“

„„ბეტისთან“ შეხვედრაში „რეალის“ არცერთი ფეხბურთელი არ იდგა მოწოდების სიმაღლეზე. ჩვენ გვქონდა ძალიან ცუდი მატჩი.“

„ჯუდ ბელინგემის და დანი სებალიოსის სახით დიდი დანაკლისი გვაქვს, მაგრამ აუცილებლად უნდა გამოვიყენოთ რესურსი, რომელიც გუნდში არსებობს.“

„გრიზმანისა და ხულიან ალვარესის სახით სიმეონეს განკარგულებაში მრავალმხრივი შემტევები არიან. ფრანგ ფეხბურთელს შეუძლია ბურთის ტარება, კარგი გადაცემა და ასე შემდეგ, ალვარესი კი მეტწილად „9“-იანია.“

„„სიტისგან“ განსხვავებით, „ატლეტიკო“ უბურთოდ კიდევ უფრო ეფექტურია, სწორედ ამიტომ, ყველაფერი იგივე სცენარით ვერ განვითარდება. გვარდიოლას გუნდს უყვარს ბურთის ფლობა, „როხიბლანკო“ კი უბურთოდაც ეფექტურია. თუ ჩვენ „როხიბლანკოს“ ფეხბურთელებს საკუთარ სტილს შევთავაზებთ და სივრცეებს ვიპოვნით, გამარჯვებას შევძლებთ.“

„დანი კარვახალის და ედერ მილიტაოს ტრავმების გამო, მთელი სეზონის მანძილზე გვიწევს გარკვეული ცვლილებების განხორციელება, მაგრამ ამ რეალობას ვერსაც გავექცევით და ვცდილობთ, გამოსავალი არსებული რესურსით ვიპოვოთ. რაულ ასენსიო სულ ახლახანს გამოჩნდა, რაც პირველ რიგში სხვა ფეხბურთელების ტრავმებმა განაპირობა. ესპანელის სახით „რეალს“ ბრწყინვალე ახალგაზრდა ჰყავს.“

„ფედე მარჯვენა მცველად? დიახ, შესაძლებელია. თუ ურუგვაელი არ ითამაშებს, ამ პოზიციას ლუკას ვასკესი დაიკავებს.“

„ჩემი და სიმეონეს დაპირისპირება ათწლეულების ითვლის. მახსოვს, ჩვენ ერთმანეთს პირველად ფეხბურთელების რანგში შევხვდით, როდესაც მან გოლის გატანაც მოახერხა.“

„დერბი ყოველთვის განსაკუთრებულია, როგორც ესპანეთში, ასევე იტალიასა და სხვა ქვეყნებში. ქალაქის აზრი ორად იყო და ორივე გუნდს უდიდესი მხარდაჭერა აქვს.“


1

3 მარტი 2025 21:18

  • ჯგუფი: წევრი
  • |
  • სიახლეები: 0
  • |
  • კომენტარები: 1

ანჩე ნუ გეშინია ათამაშე ფეხბურთი ბიჭებს 

ინფორმაცია


ჯგუფ სტუმარი-ის წევრებს არ აქვთ კომენტარის დატოვების უფლება.

სარეკლამო ადგილი

სარეკლამო ადგილი

ლა ლიგის ცხრილი

ლა ლიგის ბომბარდირები

ფეხბურთელი
გოლი
1 ლევანდოვსკი 23
2 მბაპე 22
3 ბუდიმირი 15
4 რაფინია 13

სარეკლამო ადგილი

ჩვენ Facebook-ზე

სარეკლამო ადგილი

გამოკითხვა

„რეალის“ საუკეთესო ტაქტიკა ამ სეზონში არის...




მთვლელები

საიტის არქივი:

აპრილი 2025 (23)
მარტი 2025 (314)
თებერვალი 2025 (329)
იანვარი 2025 (330)
დეკემბერი 2024 (329)
ნოემბერი 2024 (334)