კარიმ ბენზემამ საინტერესო ინტერვიუ ჩაწერა, სადაც არაერთ მნიშვნელოვან საკითხზე გაამახვილა ყურადღება.

`„ფლორენტინო პერესი ყველასგან გამორჩუელი მმართველია. ის, რაც პერესმა „რეალისთვის“ გააკეთა, არცერთი კლუბის პრეზიდენტი არავისთვის არ გაუკეთებია. მადრიდში ფლორენტინო ძალიან უყვართ და ამაში გასაკვირი არაფერია, რადგან ის დღეს და ღამეს უთმობს სამეფო კლუბზე ფიქრს და ახორციელებს უამრავ მნიშვნელოვან პროექტს.“

„მადრიდში მივედი პატარა ბიჭი და წამოვედი მამაკაცი, რომელმაც მოიგო უამრავი ტიტული, როგორც ინდივიდუალურ, ასევე კოლექტიურ დონეზე. უკვე ვფლობდი ოქროს ბურთს და დიდ სიყვარულს მადრიდისტებში. ჩავთვალე, რომ ახალგაზრდების დრო მოვიდა, მე კი ახალ სიტუაციაში უნდა გამომეცადა საკუთარი თავი. წასვლის მიზეზი მხოლოდ ეს გახლდათ, სხვა აბსოლუტურად არაფერი.“

„ვერ ვისაუბრებ France Footall-ზე, რადგან ეს ჩემი საქმე არ არის, თუმცა მივიჩნევ, რომ გასულ სეზონში ვინისიუსის დონის ფეხბურთი არავის უთამაშია და ბრაზილიელი იმსახურებდა ოქროს ბურთს. ვინიმ უდიდესი წვლილი შეიტანა ლა ლიგისა და ჩემპიონთა ლიგის მოგებაში, ის ყველა მომენტში მოწოდების სიმაღლეზე იდგა.“

„სამეფო კლუბში სრულიად ახალი ერაა დაწყებული და ამას მადრიდისტები უყურებენ. ძველი თაობა და ისტორია წარსულს ჩაბარდა, ახლა ანჩელოტი მუშაობს ფეხბურთელებთან, რომლებიც „ბლანკოსის“ რიგებში ახალ ისტორიას წერენ.“