კარლო ანჩელოტი მადრიდულ დერბიში ცვლილებების განხორცილებას გეგმავს.

პირველი ცვლილება დაცვის ცენტრს შეეხება, სადაც რუდიგერისა და რაულ ასენსიოს დუეტი უნდა ვიხილოთ.

„ბეტისთან“ დაპირისპირებაში რუდიგერი და ალაბა ვიხილეთ, თუმცა ფაქტია, რომ უკანა ხაზში პრობლემები იყო.

გარდა ამისა, მარჯვენა მცველის პოზიციას დაიკავებს ფედერიკო ვალვერდე, ურუგვაელი მოთამაშის მოედანზე გასვლა 95%-ით გადაწყვეტილია.

კარლო ცვლილებებს გეგმავს ნახევარდაცვაშიც, სადაც მას ჯუდ ბელინგემი არ ეყოლება. წინასწარი ვარაუდით, იტალიელი ჩუამენის, მოდრიჩის და ბრაჰიმ დიასის დაყენებას გეგმავს, კამავინგა კი სათადარიგო სკამზე გადაინაცვლებს.

მთავარი მწვრთნელი ხვდება, რომ „ატლეტიკოსთან“ შეცდომის დაშვების უფლება არ აქვს, ამიტომ თერთმეტეული იდეალური უნდა იყოს.