"ბლექბერნის"მცველმა მიჩელ სალგადომ განაცხადა,რომ "ივუდ პარკზე" გადასვლა ფერნანდო იერომ ურჩია.ფეხბურთელის სიტყვებს The Guardian ავრცელებს.

34 წლის ფეხბურთელისთვის პრეტენზიას აცხადებდნენ ყატარის კლუბები,მაგრამ იეროსთან სატელეფონო საუბრის შემდეგ ფეხბურთელი გადავიდა "ბლექბერნში".

შეგახსენებთ,რომ 5 წლის წინ ფერნანდო იერო გადავიდა "სამეფო კლუბიდან" "ბოლტონში",რომელსაც სემ ელერდაისი წვრთნიდა.

"ფერნანდო იყო მნიშვნელოვანი ფეხბურთელი და დიდი კაპიტანი "რეალისთვის".მე შევეკითხე მას სემ ელერდაისის შესახებ და მან მითხრა,რომ ის დიდი მწვრთნელია,რომელიც მუდამ მზადაა მიიღოს გუნდში გამოცდილი ფეხბურთელი.მისთვის მნიშვნელოვანია გუნდში ჰყავდეს გამოცდილი ფეხბურთელი".

"მე 34 წლის ვარ და შემიძლია გუნდს დავეხმარო. არა მარტო მოედანზე,არამედ მოლაპარაკებებზე ახალგაზრდულ გუნდთან."ბლექბერნმა" მომცა შანსი ვითამაშო "მანჩესტერთან","ჩელსისთან","ლივერპულთან" და სხვა ინგლისურ კლუბებთან.ეს ჩემთვის დიდი გრძნობაა.მე ფეხბურთით ვცხოვრობ".

"საბოლოოდ მომეცა შანსი ვითამაშო პრემიერლიგაში.მუდამ მსურდა ძალები მომესინჯა ინგლისში.რა თქმა უნდა,ცოტა დავაგვიანე,მაგრამ როგორც ნათქვამია:სჯობს გვიან,ვიდრე არასდროს"–დაასრულა სალგადომ.