ხესე:„ვინისიუსი საუდის არაბეთში არ უნდა წავიდეს“
/origin-imgresizer.eurosport.com/2016/08/08/1907081-40137401-2560-1440.jpg)
ხესე როდრიგესმა ვინისიუს ჟუნიორზე ისაუბრა და განაცხადა, რომ ბრაზილიელი მადრიდში დიდხანს უნდა დარჩეს. ესპანელი მოთამაშე ლუკა მოდრიჩსაც შეეხო.
„ვინისიუსი ყველასგან განსხვავებული ფეხბურთელია. 24 წლის ასაკში მან „რეალთან“ ერთად 2-ჯერ შეძლო ჩემპიონთა ლიგის მოგება. არ დაგავიწყდეთ, რომ მას კიდევ მინიმუმ 10 წლის განმავლობაში შეეძლება ძალიან მაღალ დონეზე გამოსვლა.“
„საუდის არაბეთში არაერთი ფეხბურთელი წავიდა და გაიუმჯობესა მატერიალური კომპონენტი, თუმცა ვინის მხრიდან მსგავსი ნაბიჯი დიდი შეცდომა იქნება.“
„მიუხედავად იმისა, რომ დღეს ასპარეზზე გამოსულები არიან ჰალანდი, მბაპე, იამალი, ბელინგემი და სხვა ვარსკვლავები, ვინისიუსს ყველაზე დიდი შანსი აქვს და მივიჩნევ, რომ ოქროს ბურთს რამდენჯერმე მოიგებს.“
„ენდრიკ ფელიპე? თუ მას ექნება სათამაშო სტაჟი, აუცილებლად მიაღწევს წარმატებას, რადგან ნიჭიერი ფეხბურთელია. ბრაზილიელს აქვს კარგი სისწრაფე, დარტყმა და გოლის გატანის უნარი, თანაც რამდენიმე პოზიციაზე შეუძლია თამაში.“
„კარგად მახსოვს 2012 წელი და „რეალში“ ლუკა მოდრიჩის მოსვლა. ქომაგებს ის არ უყვარდათ და ჩავარდნილ ტრანსფერსად განიხილავდნენ, მაგრამ ჟოზე მოურინიომ ყველას უთხრა, რომ ლუკა მსოფლიო ვარსკვლავია და მწვერვალებს დაიპყრობს. ჩვენ ყველამ ერთად ვნახეთ, რა გააკეთა ხორვატმა ფეხბურთელმა სამეფო კლუბისთვის.“
- 1 მარტი 2025
- 386
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
