მადრიდის „რეალის“ ფეხბურთელებმა „ბეტისთან“ დაპირისპირებისთვის მზადება დაასრულეს.

აღსანიშნავია, რომ სესიაზე კვლავ არ გამოჩენილა ფედერიკო ვალვერდე, რომელიც 100%-ით მზად არ არის და სამწვრთნელო შტაბი არ რისკავს. ურუგვაელი ფეხბურთელი „ვილამარინზე“ გუნდს ვერ დაეხმარება.

აღდგენით პროცესს გადიან ხესუს ვალიეხო და დანი სებალიოსიც, რომელმაც მძიმე დაზიანება მიიღო.

დაისვენა ჯუდ ბელინგემმაც, რომელიც „ბეტისთან“ დისკვალიფიკაციის გამო არ ითამაშებს.

ვარჯიშზე დიდი ყურადღება დაეთმო ტაქტიკურ მონახაზებს, მოკლე სივრცეში ზუსტ თამაშს, კარში დარტყმებს, პრესინგს და ფიზიკურ კონდიციებს.

შეგახსენებთ, „რეალი“ „ბენიტო ვილამარინის“ სახელობის არენას ხვალ ესტუმრება.