ესპანური გამოცემების ცნობით, კარლო ანჩელოტი დანი სებალიოსის ტრავმას ძალიან მძიმედ აღიქვამს და გამოსავალს ეძებს.

იტალიელი სპეციალისტის აზრით, სებას ფორმაში ჩადგომის შემდეგ „რეალმა“ ბალანსი იპოვა, რასაც რამდენიმე თვის განმავლობაში ეძებდა.

როდესაც დანი მოედანზეა, გუნდი ბურთსაც გააზრებულად იჭერს, განაწილებაც იდეალურია და შეტევებიც კარგად ორგანიზებული.

ესპანელი მოთამაშე „რეალს“ 2 თვით გამოაკლდა, შემდეგ კი როგორ ფორმაში დაბრუნდება არავინ იცის, სწორედ ამიტომ, კარლო გამოსავალს ეძებს.

არსებული ინფორმაციით, გუნდში კამავინგას და ლუკა მოდრიჩის როლი ძალიან გაიზრდება, ვინაიდან სწორედ მათ შეუძლიათ იმ ფუნქციების შესრულება, რომელსაც დანი ასრულებდა.

ასევე ფაქტობრივად გადაწყვეტილია, რომ ორელიან ჩუამენი ნახევარდაცვის ცენტრში დაბრუნდება, ვინაიდან გუნდს დაცვის ცენტრში პრობლემები მნიშვნელოვნად მოუწესრიგდა. დღესდღეობით ჯანმრთელები არიან როგორც რუდიგერი, ასევე რაული ასენსიო და დავიდ ალაბა, რაც ძალიან ბევრს ნიშნავს.