სამეფო კლუბის ფეხბურთელებმა ლა ლიგის მომდევნო ტურისთვის მზადება დაიწყეს.

ფეხბურთელები, რომლებიც „სოსიედადთან“ დაპირისპირებაში სასტარტო შემადგენლობაში იყვნენ, აღდგენითი პროცესით დაკავდნენ, დანარჩენებმა კი სრულფასოვანი დატვირთვა მიიღეს.

დანი სებალიოსმა აღდგენითი პროცესი დაიწყო, ხესუს ვალიეხო და ფედერიკო ვალვერდე კი დახურულ კარსმიღმა ვარჯიშობდნენ.

ანჩელოტიმ სესიაზე რამდენიმე კასტილიელიც იხმო.

შეკრებაზე დიდი ყურადღება დაეთმო ბურთის ფლობას, მოკლე სივრცეში ზუსტ თამაშს, სტანდარტულებს და ტაქტიკურ მონახაზებს.