ვინისიუს ჟუნიორმა „სოსიედადთან“ „რეალს“ უკაპიტნა, ეს იყო პირველი შემთხვევა ბრაზილიელის საფეხბურთო კარიერაში.

„ძალიან ვამაყობ, რომ კაპიტნის სამკლაური მეკეთა, ეს განსაკუთრებული მომენტი იყო. ვფიქრობ, ძალიან ბევრი წლის განმავლობაში ბევრი ვიშრომე იმისთვის, რომ დღევანდელი დღე დამდგარიყო. ეს მართლაც დიდი პასუხისმგებლობა და ბედნიერებაა.“

„გუნდის თამაშით კმაყოფილი ვარ. ჩვენ გავიმარჯვეთ და მაქსიმალურად ვეცადეთ, ბერნაბეუზე დამაკმაყოფილებელი შედეგით გავსულიყავით. მივიჩნევ, რომ ყველაფერი მეორე დაპირისპირებაში გადაწყდება.“

„ვულოცავ ენდრიკს, მან ეფექტური გოლის გატანა შეძლო. ჩემი თანამემამულე კიდევ მოუმატებს, ეს მხოლოდ პირველი სეზონია, რაც პირველ რიგში სრულფასოვან ადაპტაციას გულისხმობს.“

„299-ე დაპირისპირება ჩავატარე მსოფლიოს საუკეთესო კლუბში, შემდეგ მატჩი მე-300 იქნება, მაგრამ მსურს, 400, 500 და მეტი თამაშის ჩატარება, ჩემი კარიერა მადრიდულ გრანდს ეძღვნება.“

„ჩემი მომავალი? მგონი უკვე გითხარით, რამდენი მატჩის ჩატარება მინდა. ვფიქრობ, კითხვები აღარ უნდა არსებობდეს.“