ბრაჰიმ დიასმა „სოსიედადთან“ დაპირისპირების შემდეგ კომენტარი გააკეთა.

„მადრიდის „რეალის“ რიგებში 100 მატჩის ჩატარება უნიკალური მოვლენაა, თუმცა ამაზე გაჩერებას არ ვაპირებ და მივიჩნევ, რომ წლების მანძილზე უნდა დავრჩე ბერნაბეუზე და უამრავი ტიტული მოვიგო. ჩემთვის ეს მართლაც საოცარი შეგრძნებაა, ვინაიდან არ არსებობს ამაზე კარგი ადგილი.“

„მიხარია, რომ გუნდმა სან სებასტიანში გაიმარჯვა. ჩვენ განმეორებით დაპირისპირებას თავდაჯერებულები შევხვდებით და ვეცდებით სამეფო თასის ფინალში გასვლას.“

„„ბლანკოსი“ არასდროს ნებდება. ამ სეზონში არაერთ მომენტში გვქონდა პრობლემები, მაგრამ ყველაფერი დავძლიეთ, რადგან შემართება არასდროს გვაკლდა. ის, რომ ფეხბურთელების ტრავმები უდიდეს პრობლემას წარმოადგენს ახალი არ არის, მაგრამ ჩვენ ახლა სეზონის გადამწყვეტ ეტაპზე გადავდივართ და წაბორძიკების უფლება აღარ გვაქვს.“