ესპანური გამოცემების ცნობით, დაცვის ცენტრში მადრიდის „რეალი“ ფეხბურთელების მოყვანას არ აპირებს და ვილიამ სალიბასთან დაკავშირებული ჭორები არ გამართლდება.

პერესის აზრით, კასტილიაში საოცარი თაობა იზრდება, განსაკუთრებით კი ამის თქმა უკანახაზელებზე შეიძლება.

რაულ ასენსიო, ჟოან მარტინესი და ჯაკობო რამონი დიდ პერსპექტივას ფლობენ. პრეზიდენტს სურს, რომ სამივე მცველი მომდევნო სეზონში მთავარი გუნდის ნაწილი იყოს.

იმ ფონზე, რომ გუნდში ასევე ირიცხებიან მილიტაო, ალაბა და რუდიგერი, (ვალიეხო აღარ იგულისხმება), რესურსი ნამდვილად იარსებებს.

ასევე უნდა აღინიშნოს ძმები, დიეგო და ლორენცო აგუადოები, რომლებიც ასევე ბრწყინვალედ მუშაობენ და გრძელვადიან პერსპექტივაში ბერნაბეუზე დიდხანს დარჩენა აქვთ განზრახული.

პერესის აზრით, სალიბაში 100 მილიონზე მეტის გადახდა სისულელე იქნება, თანაც იმ ფონზე, როდესაც მასზე გაცილებით ახალგაზრდა ესპანელები უდიდეს პერსპექტივას ფლობენ.

„რეალი“ 2025 წლის ზაფხულში კანტერანო მცველებთან სერიოზულად იმუშავებს. არ აქვს მნიშვნელობა დარჩება თუ არა ანჩელოტი მთავარი მწვრთნელის პოსტზე, ზემოაღნიშნული მცველები მთავარ გუნდში ივარჯიშებენ.