ესპანური გამოცემების ცნობით, მადრიდის „რეალის“ ხელმძღვანელობამ ვინისიუს ჟუნიორს ახალი წინადადებით მიმართა და პასუხი მოთხოვა.

ფლორენტინო პერესს და დირექტორთა საბჭოს არ სიამოვნებს საუდის არაბეთის მხრიდან წამოსული არაერთი წინადადება, სწორედ ამიტომ, ვინისიუსთან კონტრაქტი რაც შეიძლება მალე უნდა გაფორმდეს.

არსებული ცნობით, „ბლანკოსმა“ ბრაზილიელ ვარსკვლავის ხელფასის კიდევ უფრო გაზრდა შესთავაზა და ბოლო წინადადება გაცილებით გაუმჯობესებული იყო, ვიდრე პირველი.

ახლა სამეფო კლუბი ვინისგან პასუხს ითხოვს. ბრაზილიელმა ფეხბურთელმა მაქსიმუმ მაისში უნდა თქვას პასუხი და საბოლოოდ, დაუსვას წერტილი სპეკულაციებს, რომელიც არსებობს.

მადრიდში მიაჩნიათ, რომ თუ წინახაზელი ახალ ხელშეკრულებას ხელს არ მოაწერს, საუდის არაბეთთან მოლაპარაკებები გარდაუვალი იქნება.