„სოსიედადთან“ დაპირისპირებაში მადრიდის „რეალს“ კილიან მბაპე ვერ დაეხმარება. მიუხედავად იმისა, რომ კარლო ანჩელოტიმ მატჩისწინა პრესკონფერენციაზე განაცხადა, რომ ფრანგი ფეხბურთელი სან სებასტიანში გაემგზავრებოდა, სიტუაცია შეიცვალა.

კბილის ამოღებასთან დაკავშირებით მინი ოპერაციული ჩარევის გამო მბაპემ გუნდთან ერთად ფინალურ ვარჯიშზე მონაწილეობა ვერ მიიღო, ამას კი დაემატა ტემპერატურული რეაქცია, რის გამოც კილიანს დამატებითი მკურნალობის გავლა მოუწევს.

არსებული ინფორმაციით, მბაპე ექიმების მეთვალყურეობის ქვეშ არის და არანაირი გართულება არ აღინიშნება, თუმცა სან სებასტიანში მისი ვიზიტი არარელევანტურად ჩაითვალა.

90%-იანი ალბათობით, ფრანგი ფეხბურთელი სრული დატვირთვით ვარჯიშს ხვალ ან ზეგ განაახლებს და ლა ლიგის მომდევნო ტურში ხელმისაწვდომი იქნება.