მადრიდის „რეალის“ ფეხბურთელებმა ესპანეთის სამეფო თასის მატჩისთვის მზადება დაიწყეს.

გუნდმა აღდგენითი პროცესი გამართა. ფეხბურთელები, რომლებიც „ჟირონას“ წინააღმდეგ სასტარტო შემადგენლობაში იყვნენ, დღეს აღდგენით დაკავდნენ, დანარჩემებმა კი სრულფასოვანი დატვირთვა მიიღეს.

სესიაზე დიდი ყურადღება დაეთმო ბურთის ფლობას, ტაქტიკურ მონახაზებს, კარში დარტყმების კომპონენტს და პრესინგს.

ანჩელოტიმ შეკრებაზე რამდენიმე კანტერანოც გამოიძახა.

აღსანიშნავია, რომ ფედერიკო ვალვერდეს არც დღეს უვარჯიშია. ურუგვაელ ფეხბურთელს ანჩელოტი დასვენების საშუალებას აძლევს.