„ბეტისის“ ახალი ვარსკვლავი ანტონი, რომელიც ესპანურ გუნდს მანჩესტერ „იუნაიტედიდან“ შეუერთდა, მადრიდის „რეალის“ წინააღმდეგ ასპარეზობას ვერ შეძლებს.

ბრაზილიელი ფეხბურთელი წითელი ბარათის გამო დისკვალიფიცირებულია და „მერენგებს“ ვერ დაუპირისპირდება.

ანდალუსიელთა პრობლემების მოგვარება მანუელ პელეგრინიმ სწორედ სამხრეთ-ამერიკელს დაავალა და ფაქტია, რომ მანაც გაიბრწყინა, თუმცა „ბლანკოსთან“ ის მოედანზე ვერ გავა.

შეგახსენებთ, „ბეტისთან“ დაპირისპირებას „მერენგები“ ლა ლიგის მომდევნო ტურში ჩაატარებენ.