ლუკა მოდრიჩი მადრიდის „რეალში“ დარჩენაზე ოცნებობს. მართლაც წარმოუდგენელია, რომ ხორვატ ლეგენდას 40 წლის ასაკშიც კი „მერენგების“ სადარაჯოზე ყოფნა აქვს გადაწყვეტილი, თუმცა ფაქტი ფაქტია.

ისიც წარმოუდგენელი იყო, რომ ლუკიტა 39 წლის ასაკში ამ დონეზე იასპარეზებდა, თუმცა გოლი, რომელიც „ჟირონას“ გაუტანა, ისტორიას დარჩება.

9 სექტემბერს ლუკიტა 40 წლის გახდება, რაც იმას ნიშნავს, რომ ახალი კონტრაქტის შემთხვევაში, ფაქტობრივად 41 წლამდე მოუწევს „რეალში“ ასპარეზობა.

„მარკას“ ცნობით, მხარეები მოლაპარაკებებს მაისში გამართავენ.