ანჩელოტი:„მოდრიჩმა ბერნაბეუზე კიდევ დიდხანს უნდა ითამაშოს“
კარლო ანჩელოტიმ „ჟირონასთან“ დაპირისპირების შემდეგ პრესკონფერენცია გამართა.
„ლუკა მოდრიჩი არამხოლოდ მადრიდის „რეალის“, არამედ მსოფლიო ფეხბურთის საჩუქარია. მსურს, ხორვატმა ფეხბურთელმა ბერნაბეუზე იქამდე ითამაშოს, სანამ ამას თავად ჩათვლის საჭირო, ის ნამდვილი ლეგენდაა.“
„39 წლის ასაკში ნახევარმცველი ყველას უმტკიცებს, რომ საოცარი ფეხბურთის თამაში კვლავ შეუძლია.“
„ვერ შევაფასებ და კომენტარს ვერ გავაკეთებ გოლზე, რომელიც ლუკამ გაიტანა.“
„ვინისიუსი საოცარია, ის ყოველთვის დამანგრეველ ძალას ფლობს. ბრაზილიელმა 1 გოლი გაიტანა, მაგრამ მინიმუმ ჰეთ-თრიკის შესრულება შეეძლო. იგივეს გაკეთება შეეძლო მბაპეს, რომელიც ხშირად ამწვავებდა და არაერთხელ განახორციელა დარტყმა.“
„არდა გიულერი თავს კარგად გრძნობს, ბოლო მატჩებში მას შანსი არ მიუღია, მაგრამ მომავალში ითამაშებს.“
„ფაქტია, რომ დავიდ ალაბას მაღალ დონეზე თამაში უკვე შეუძლია, მან 1 საათი და 15 წუთი დაჰყო მოედანზე, რაც ცოტა არ არის.“
„მახსენდება პაოლო მალდინი და ძალიან ცოტა ფეხბურთელი, რომელიც 39-40 წლის ასაკში საოცარი იყო. ლუკა ნამდვილად გამორჩეულია, ის ყველას გვაოცებს.“
„ბრაჰიმი უნივერსალია. ის თამაშობდა, როგორც მოედნის ცენტრიდან, ასევე ხშირად ამწვავებდა ფლანგიდან, რაც როდრიგო გოეშს მეტი მობილურობის საშუალებას აძლევდა.“
- 23 თებერვალი 2025
- 1 405
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
