ტრენტ ალექსანდერ არნოლდის მადრიდის „რეალში“ გადასვლა გადაწყვეტილია. ფლორენტინო პერესი ინგლისელი განაპირა მცველის გამადრიდელებაზე აღარ ნერვიულობს.

დაცვის მარჯვენა ფლანგის პრობლემას ზაფხულში წერტილი დაესმება, ვინაიდან გუნდს ტრენტ ალექსანდერ არნოლდი დაემატება და ვარჯიშს განაახლებს დანიელ კარვახალი, რომელიც ასევე აპირებს, რომ კვლავ მოწოდების სიმაღლეზე იდგეს.

დანის დამატებითი მოვალეობაც ექნება, მან ტრენტს მადრიდული სულისკვეთება უნდა გაუზიაროს და ადაპტაციაში დაეხმაროს.

მადრიდული გამოცემების ცნობით, სეზონის დასრულებისთანავე, სამეფო კლუბი არნოლდთან შეთანხმებას გამოაცხადებს.

ტრენტი ბერნაბეუზე მრავალწლიანი კონტრაქტით იასპარეზებს.