ესპანური და იტალიური გამოცემების ცნობით, „მილანმა“ ტეო ერნანდესს ახალი კონტრაქტი შესთავაზა, მაგრამ ფეხბურთელმა ძალიან დიდი ხელფასი მოითხოვა, რის შემდეგაც მოლაპარაკებები ჩაიშალა.

განაპირა მცველი „როსონერიში“ აღარ დარჩება, ვინაიდან 2026 წლის ზაფხულში კონტრაქტის ვადა ეწურება. იტალიელები იძულებულები არიან, 2025 წლის ზაფხულში ფეხბურთელს შეელიონ, სხვა შემთხვევაში, ტეო თავისუფალი აგენტის სტატუსს მიიღებს და ახალ კლუბს უფასოდ მიაშურებს.

არსებული ინფორმაციით, მადრიდის „რეალი“ აქტიურობას იწყებს და აპირებს, რომ „როსონერის“ ხელმძღვანელობას ტეოს სანაცვლოდ 30 მილიონი ევრო შესთავაზოს.

თუ „რეალთან“ შეთანხმება შედგება, ერნანდესი 6 წლიან კონტრაქტს მიიღებს, თუმცა სამეფო კლუბის მხრიდან სახელფასო საკითხებთან დაკავშირებით წინადადებები ჯერ არ წამოჭრილა.

მას შემდეგ, რაც ალფონსო დეივისმა „ბაიერნთან“ კონტრაქტი გაახანგრძლივა, ტეო „მერენგების“ ერთ-ერთი მთავარი სამიზნე გახდა.