ესპანეთის ნაკრები მარტის შეკრებისთვის მზადებას ეტაპობრივად იწყებს. არსებული ინფორმაციით, ლუის დე ლა ფუენტე გაზაფხულის პირველი შეკრებისთვის გუნდის დაკომპლექტებას უკვე იწყებს.

„ფურია როხას“ დამრიგებელი აქტიურად აკვირდება დანი სებალიოსის პროგრესს და ფიქრობს, რომ მადრიდელი ფეხბურთელის ეროვნულ ნაკრებში გამოძახების დრო დგება.

სებას ნაკრებში აქამდეც არაერთხელ უთამაშია, თუმცა ბოლო დროს მისთვის გუნდში ადგილი არ მოიძებნებოდა, რადგან „რეალში“ მინიმალურ სათამაშო დროს იღებდა.

არსებული ცნობით, დე ლა ფუენტე დანის გამოსვლას მომდევნო ტურებშიც დააკვირდება და საბოლოო გადაწყვეტილებას მიიღებს.