კარლო ანჩელოტიმ „სიტისთან“ დაპირისპირების წინ პრესკონფერენცია გამართა.

„სასწორზე ჩემპიონთა ლიგის მომდევნო ეტაპი დევს, სწორედ ამიტომ, ზუსტად იგივე შემართებით და მოტივაციით ასპარეზობა გვმართებს. ჩვენ 1 კვირის წინ მანჩესტერში გავიმარჯვეთ, ახლა კი საშინაო არენაზე უნდა გავინაღდოთ 1/8 ფინალში გასვლა.“

„ნამდვილად არ ვარ კმაყოფილი იმით, რომ ლა ლიგის გასულ 3 ტურში მოხდა, მაგრამ ბრძოლა გრძელდება.“

„მსაჯებთან გაუგებრობას წერტილი უნდა დაესვას, ეს ძალიან დიდ ზიანს გვაყენებს. ერთხელ და სამუდამოდ შევთანხმდეთ, რომ VAR სისტემამ სიკეთე უნდა მოიტანოს და არა კიდევ უფრო დიდი ბუნდოვანება.“

„ჩემპიონთა ლიგაზე საუკეთესო არბიტრები არიან. არ ვფიქრობ, რომ ამ მხრივ პრობლემა ევროსარბიელზეც გვექნება.“

„იმედი მაქვს, ჯუდ ბელინგემის დისკვალიფიკაცია ხანგრძლივი არ იქნება, ის ამას არ იმსახურებს.“

„გვარდიოლა ფიქრობს, რომ მის გუნდს ბერნაბეუზე 1%-იანი შანსი აქვს? როდესაც მას ვნახავ, ამ კითხვას დავუსვამ. პეპს არ ვეთანხმები, ჩვენ 99%-იანი უპირატესობა ნამდვილად ვერ გვექნება.“

„ვერ გეტყვით, ვინ ითამაშებს დაცვის ცენტრში. რაულ ასენსიოს მარჯვენა ფლანგზე ასპარეზობაც შეუძლია, რუდიგერი კი მზად არ არის და ექიმებთან კონსულტაციის შემდეგ მივიღებ საბოლოო გადაწყვეტილებას. დღევანდელ ვარჯიშზე ანტონიოს პრობლემა არ ჰქონია.“

„ვასკესი სათადარიგო სკამზე იჯდება, მაგრამ თამაშში სავარაუდოდ არ ჩაერთვება, მან ბოლომდე გამოჯანმრთელება ვერ მოასწრო.“

„მბაპე კარგად პროგრესირებს და არაერთი გოლის გატანა შეძლო. მიხარია, რომ ადაპტაციის პერიოდი ფრანგმა სათანადოდ გაიარა.“