კარლო ანჩელოტიმ „ელ სადარზე“ ვიზიტის წინ პრესკონფერენცია გამართა.

„გუნდი ძალიან მოტივირებულია. გვსურს, რომ ლა ლიგაში პირველი პოზიცია შევინარჩუნოთ, ამისთვის კი სტაბილური გამოსვლა და მატჩების მოგებაა საჭირო. „სიტისთან“ მიღწეულმა გამარჯვებამ ჩვენზე დადებითად იმოქმედა.“

„ვინისიუსის მომავალი? სიმართლე გითხრათ, ამაზე საუბრით დავიღალე. ბრაზილიელი ფეხბურთელი ბედნიერია მადრიდულ გრანდში და აქ ბევრი ტიტულის მოგებას აპირებს.“

„ვინიმ არაერთხელ თქვა, რომ „ბლანკოსთან“ ერთად ახალი ისტორიის შექმნა მსურს, სწორედ ამიტომ მიმაჩნია, რომ ბრაზილიელისა და საუდის არაბეთის ჭორები მხოლოდ ამ სტატუსს შეინარჩუნებს.“

„რაულ ასენსიო კარგად პროგრესირებს. ახლა ის სასტარტოს მოთამაშედ არ ითვლება, მაგრამ საკმარის დროს იღებს. დარწმუნებული ვარ, ესპანელი მოთამაშე განვითარდება და მალე გუნდის ლიდერის სტატუსს მოირგებს. კმაყოფილი ვარ მუშაობის დონით, რომელსაც ის აჩვენებს.“

„სამი ძალიან მნიშვნელოვანი ამბავი მაქვს. დავიდ ალაბა და რუდიგერი შესაძლოა „სიტისთან“ დაპირისპირებისთვის მზად იყვნენ, ისევე როგორც ლუკას ვასკესი. მნიშვნელოვანია, რომ ისინი მალე გამოჯანმრთელდნენ და ჩვენი დახმარება შეძლონ, ეს რესურსის მნიშვნელოვან ზრდას ნიშნავს.“

„ჯუდ ბელინგემი ასაკის მიუხედავად, გუნდის უდავო ლიდერია. შესაძლებლობები, რომელიც მას აქვს, მართლაც საოცარია. ვფიქრობ, ინგლისელი ძალიან ბევრს მიაღწევს. დარწმუნებული ვარ, ის მალე ერთ-ერთი კაპიტანი გახდება და არაერთ მნიშვნელოვან წელიწადს გაატარებს ბერნაბეუზე.“

„ვალვერდე მარჯვენა მცველად? ურუგვაელს იქამდე მოუწევს მარჯვენა მცველობა, სანამ ლუკას ვასკესი დაბრუნდება. სხვა გამოსავალი ამ შემთხვევაში არ გვაქვს და უნდა შევეგუოთ მოცემულობას, რომელიც ახლა არსებობს.“

„მსაჯებთან და VAR სისტემის აუდიო ნაწილთან დაკავშირებით დამატებით განცხადებებს არ გავაკეთებ. ეს არ არის ჩემი საქმე და კომპეტენცია.“

„ლორენცო აგუადო საინტერესო ახალგაზრდაა, მასთან ბევრს ვმუშაობთ და მივიჩნევთ, რომ კარგი პერსპექტივა აქვს.“

„ლა ლიგის ზედიზედ მეორედ მოგება იდეალური იქნებოდა. კონკურენცია უდიდესია, სწორედ ამიტომ, წინასწარი საუბრები არ მსურს. ჩემი გუნდი ყველა ტურნირზე ბოლომდე იბრძოლებს.“