მიუხედავად იმისა, რომ ბრაჰიმ დიასი „რეალის“ სასტარტო შემადგენლობის ფეხბურთელად არ ითვლება, მისი მარგი ქმედების კოეფიციენტი ძალიან მაღალია.

დიასი ოქროს სათადარიგოა, თუმცა რა თქმა უნდა, აქვს მეტი პრეტენზიაც.

მოროკოელ ფეხბურთელს „რეალის“ მაისურით 96 დაპირისპირება აქვს გამართული, საიდანაც 42 შემთხვევაში სასტარტო შემადგენლობაში იყო, დანარჩენი კი მეორე ტაიმში ჩაერთო საქმეში.

ბრაჰიმის ანგარიშზე 18 გატანილი გოლი და 16 საგოლე გადაცემაა, რაც მის სათამაშო წუთებთან მიმართებით, ძალიან მაღალ კოეფიციენტს აფიქსირებს.

მადრიდელი ანალიტიკოსები ასევე ხაზს უსვამენ დიასის საოცარ შემოსვლას „სიტისთან“ დაპირისპირებაში, სადაც ის გოლის ავტორიც გახდა და „ბლანკოსის“ შეტევა უფრო სწრაფი და მობილური გახადა.

ფაქტია, რომ ბრაჰიმმა „მერენგების“ რიგებში ამჯერად გაამართლა და მასზე მომავლში უფრო მეტი ავანსიც უნდა გაიცეს.