ესპანური გამოცემების ცნობით, მადრიდის „რეალში“ ძალიან სერიოზულად მუშაობენ პროექტზე, რომელიც მომდევნო 10 დღის განმავლობაში უნდა იქნას წარმოდგენილი.

კომპეტენტურ ორგანოებს სამეფო კლუბის მხრიდან მიეწოდებათ სამსაჯო სისტემის განვითარების პროგრამა, დეტალური ეტაპებით, რომელმაც უნდა აწიოს მსაჯობის დონე ესპანეთში.

არავინ იცის, გაიზიარებენ თუ არა ლა ლიგის და სხვა უწყებების ხელმძღვანელები „რეალის“ წარმოდგენილ პროექტს, თუმცა სამეფო კლუბი დასძენს, რომ მსაჯების პრობლემა ესპანეთის შიდა პირველობის პრესტიჟს სერიოზულ ზიანს აყენებს და ამ მიმართულებით სამუშაოა.