ხუნი კალაფატი არის ადამიანი, რომელიც ფლორენტინო პერესის ყველაზე დიდი ნდობით სარგებლობს. ავტორიტეტი, რომელიც ხუნიმ ჩამოიყალიბა ხელშეუხებელია.

არსებული ინფორმაციით, ფლორენტინო პერესს კალაფატთან ვილიამ სალიბაზე ჰქონდა საუბარი. ხუნის აზრით, ლონდონის „არსენალის“ ვარსკვლავის „რეალში“ გადაყვანა იდეალური გადაწყვეტილება იქნება და სამეფო კლუბს ახალ ძალას შესძენს.

სალიბას სანაცვლოდ სოლიდური თანხის გადახდა მართებული გადაწყვეტილებაა და „ბლანკოსში“ ამ საკითხზე შეჯერებულები არიან.

„დაცვის ჯუდ ბელინგემი“ - სწორედ ასე უწოდებენ „მეთოფეების“ დაცვის ლიდერს და მიიჩნევენ, რომ ეს შეთანხმება უნდა შედგეს.

ფლორენტინო პერესის აზრით, თუ „რეალს“ ახალი სეზონის სტარტს სალიბა ეყოლება, რასაც დაემატება ედერ მილიტაოს გამოჯანმრთელება, კიდევ უფრო გამოცდილი რაულ ასენსიო, რუდიგერი  და ალაბა, დაცვის ხაზში ყველა პრობლემა მოიხსნება.

„ას“-ის ანალიტიკოსები სვამენ კითხვას, სჭირდება თუ არა „ბლანკოსს“ ამდენი მცველი, მაგრამ პასუხიც მარტივია. გამოწვევებით სავსე სეზონის ფონზე, უთამაშებელი აბსოლუტურად არავინ რჩება, სწორედ ამიტომ, ორ ცენტრალურ მცველს, ორი მაღალი დონის რეზერვში აუცილებლად სჭირდება.