კარლო ანჩელოტიმ მადრიდის „რეალში“ ახალი რეკორდი დაამყარა და ლეგენდარულ მიგელ მუნიოსს გაასწრო.

იტალიელმა სპეციალისტმა ევროსარბიელზე „ბლანკოსს“ 72-ედ უხელმძღვანელა და მიგელ მუნიოსის 71 მატჩიანი შედეგი გააუმჯობესა.

აღსანიშნავია, რომ „რეალის“ მწვრთნელის პოსტზე კარლიტომ 72-იდან 51 მატჩი მოიგო, 9 ფრედ დაასრულა და 12 წააგო.

ასევე უნდა აღინიშნოს, რომ ანჩელოტის ევროთასებზე მსოფლიო ფეხბურთის დონეზეც ყველაზე მეტი მატჩი აქვს, მან სხვადასხვა გუნდს 219-ჯერ უხელმძღვანელა და ასევე სარეკორდო გამარჯვებების მაჩვენებელიც დააფიქსირა.

2014, 2022 და 2024 წლებში იტალიელმა სპეციალისტმა „მერენგებთან“ ერთად ჩემპიონთა ლიგის თასიც აღმართა.