დანი სებალიოსმა „სიტისთან“ დაპირისპირების შემდეგ მედიის წარმომადგენლებთან ისაუბრა.

„ურთულესი თამაში იყო. თავიდან ცოტა დაბნეულები ვიყავით, მაგრამ მალევე ვირწმუნეთ, რომ მეტოქისთვის ჩვენი ფეხბურთის შეთავაზება შეგვეძლო.“

„გოლის გაშვების მიუხედავად, „რეალი“ აგრძელებდა შეტევების ორგანიზებას და ვიცოდით, რომ ადრე თუ გვიან მეტოქის კარს ავიღებდით.“

„კილიან მბაპეს არაერთი მომენტი ჰქონდა, მაგრამ რამდენჯერმე იღბალმა აქცია ზურგი.“

„როდესაც ჩემს გამო პენალტი დანიშნეს, ძალიან მძიმე ემოციური ფონი მქონდა. მეგონა, რომ გუნდი დავაზიანე ბერნაბეუზე კომფორტული სხვაობის შექმნის შესაძლებლობა გავაქრე, თუმცა ყველაფერი ისე წარიმართა, როგორც ვიოცნებებდი და საბოლოო ჯამში გავიმარჯვეთ.“

„არ აქვს მნიშვნელობა მეტოქე „სიტია“ თუ „ოსასუნა“, ჩვენ ყოველთვის ბოლომდე უნდა დავიხარჯოთ და ისეთი შემართება გვქონდეს, როგორიც „ეტიჰადზე“ ვაჩვენეთ.“

„ეს „რეალია“, რომელიც ყოველთვის ბოლომდე იბრძვის და ავლენს გამარჯვებულის მენტალიტეტს.“