ესპანური გამოცემების ცნობით, ფლორენტინო პერესის მთავარი ფავორიტი „ბლანკოსის“ მთავარი მწვრთნელის პოსტზე ჩაბი ალონსოა, თუმცა „მერენგები“ ამუშავებენ ალტერნატიულ ვარიანტსაც.

თუ ჩაბისთან შეთანხმება ვერ შედგება, „რეალის“ ხელმძღვანელობა აქცენტს მიკელ არტეტაზე გააკეთებს. ესპანელი სპეციალისტი პირადად პერესის სიმპატიებით სარგებლობს.

მოგეხსენებათ, არტეტა წლების განმავლობაში მუშაობდა პეპ გვარდიოლასთან და სწორედ მისი სტილის სპეციალისტია, გვარდიოლა კი ფლორენტინოსგან წლების პატივისცემით სარგებლობს.

მადრიდში მიიჩნევენ, რომ არტეტას ბრწყინვალედ შეუძლია „რეალს“ შემტევი გუნდის ელფერი დაუბრუნოს და არსებითი რესურსი სწორად აითვისოს.

მართალია მიკელს „მეთოფეებთან“ მრავალწლიანი კონტრაქტი აქვს გაფორმებული, თუმცა ესპანეთში ეჭვი არ ეპარებათ, რომ თუ 42 წლის სპეციალისტი რეალურ წინადადებას მიიღებს, სანტიაგო ბერნაბეუზე მუშაობაზე უარს არ იტყვის.

დაველოდოთ მოვლენების განვითარებას...