ანჩელოტი:„გვარდიოლა საუკეთესო მწვრთნელია, მას უნდა ვუფრთხილდეთ“
კარლო ანჩელოტიმ „სიტისთან“ დაპირისპირების წინ პრესკონფერენცია გამართა.
„ყველა შემთხვევაში რთულ დაპირისპირებას ველი. გვარდიოლას სწრაფი გუნდი ჰყავს, რომელიც ბრწყინვალედ უტევს, შეუძლია გააზრებული კომბინაციების გათამაშება და ბევრი გოლის გატანა.“
„ჩვენ გვჭირდება ბალანსი, სხვა გზა არ არსებობს. ყველა ფეხბურთელმა ბოლომდე უნდა აჩვენოს საკუთარი შესაძლებლობები.“
„ვიცით, რომ „ეტიჰადზე“ თამაში მარტივი არ არის, მაგრამ უკან დასახევი გზა არ გვაქვს, ჩვენი მიზანი ჩემპიონთა ლიგის 1/8 ფინალში გასვლაა და ამისთვის ყველაფერს ვიღონებთ.“
„ეს უკვე მართლაც კლასიკაა, რომელიც ქომაგებს დიდ სიამოვნებას ანიჭებს. ასეთ შეხვედრაში ვერასდროს გაიგებ, რა მოხდება. უნდა ვეცადოთ, რომ თამაშის სადავეები ხელიდან არ გაგვექცეს.“
„ტრავმების გათვალისწინებით, ვინისიუსს კარგი სეზონი აქვს. ბრაზილიელმა საკმაოდ ბევრი გოლის გატანა შეძლო და დარწმუნებული ვარ, მომდევნო თვეებში კიდევ უფრო ეფექტური იქნება.“
„„სიტი“ არის ყველაზე რთული მეტოქე ამ ეტაპზე.“
„ჩვენ შემადგენლობაში ბევრი პრობლემა გვაქვს, მაგრამ არსებული რესურსი სრულფასოვნად უნდა ავითვისოთ.“
„გვარდიოლა საუკეთესო სპეციალისტია, მან კარგად იცის, როგორ გამოიყენოს ის ფეხბურთელები, რომლებიც მის განკარგულებაში არიან.“
„ჩვენს მეტოქეს ევროპის ერთ-ერთი ყველაზე მძლავრი გუნდი წარმოადგენს. ის, რომ „სიტის“ გარკვეული ჩავარდნები ჰქონდა, არაფერს ცვლის. აქ ყველაფერი სუფთა ფურცლიდან იწყება, დარწმუნებული ვარ, გვარდიოლა ყველაფერს გააკეთებს საშინაო არენაზე გასამარჯვებლად.“
„პეპ გვარდიოლა არის ერთ-ერთი საუკეთესო, თუ არა საუკეთესო. ზედმეტი არ იქნება თუ ამას ვიტყვი, ესპანელს ყველა გუნდში მიაქვს ინოვაცია, მეტი სისწრაფე, კრეატივი, შეტევის სიყვარული და მრავალფუნქციურობა. მივიჩნევ, რომ ჩემი მეტოქე ყოველმხრივ გამორჩეული სპეციალისტია.“
„მე არ ვფიქრობ, რომ ვინისიუსი ოქროს ბურთის ვერმოგების გამო შეშფოთებულია. პირიქით, ეს გარემოება, მისთვის დამატებითი მოტივაციის წყარო გახდა.“
„თამამად შემიძლია გითხრათ, რომ ჩვენს წყვილში გამარჯვებულს, თავისუფლად შეუძლია ჩემპიონთა ლიგის მოგება.“
„ხესუს ვალიეხო? მასთან პრობლემა არ გვაქვს. მისი კონტრაქტი სრულდება, სწორედ ამიტომ, მეტ შანსს ახალგაზრდებს ვაძლევ.“
„„სიტიში“ ფანტასტიკური ფეხბურთელები თამაშობენ. არაერთხელ ვუთხარი ჩემს მოთამაშეებს, რომ ამ გუნდის ბოლოდროინდელმა შედეგებმა არ შეგვაცდინოს.“
„გვარდიოლას იანვრის ტრანსფერები? ეს ჩემი საქმე არ არის. ყველას აქვს უფლება დახარჯოს თანხა და გააძლიეროს გუნდი საკუთარი შეხედულებების შესაბამისად.“
„„რეალს“ როდრის მიმართ უპატივცემულობა არასდროს გამოუჩენია. ჩვენ გავაპროტესტეთ გადაწყვეტილება ვინისთან დაკავშირებით, მაგრამ როდრის ფაქტორი აქ აბსოლუტურად არაფერშუაშია.“
- გუშინ, 22:40
- 934
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
